ہندوستان نے کینیڈا کے ہائی کمشنر اسٹیورٹ بیک کو آج طلب کیا اور وزیر اعظم جسٹن ٹروڈو اور ان کے وزرا کے ہندوستان میں کسانوں کے معاملات پر تبصرے کو ہندوستان کے اندرونی معاملات میں ناقابل قبول مداخلت قرار دیتے ہوئے کہا ہے کہ اس سے دونوں ممالک تعلقات پر برا اثر پڑے گا۔ خبر ہے کہ ہندوستان کی اس ناراضگی کے باوجود کینیڈا کے وزیر اعظم ٹروڈو پر کوئی اثر نہیں پڑا ہے اور انہوں نےایک مرتبہ پھر کہاہے کہ کینیڈا پرامن احتجاج اور انسانی حقوق کے لئے ہمیشہ کھڑا رہے گا۔