کپوارہ ،اوڑی اور پونچھ میں حد متارکہ پر جنگ کا سماں،متعدد ہلاک ،کئی زخمی

آر پار گولہ باری کا یہ واقعہ اُوڑی کے حاجی پیر اور کمل کوٹ سیکٹروں میں پیش آیا۔

ذرائع کے مطابق دونوں طرف کی افواج نے ایک دوسرے کے ٹھکانوں کو نشانہ بنایا تاہم حکام نے کہا کہ جنگ بندی معاہدے کی خلاف ورزی کا آغاز پاکستانی افواج نے کیا۔

حکام نے کہا کہ پاکستانی فائرنگ کا”بھرپور اور موثر جواب“ دیا جارہا ہے۔

ابھی تک اگر چہ کسی جانی یا مالی نقصان کی کوئی اطلاع موصول نہیں ہوئی ہے تاہم کنٹرول لائن کے نزدیک رہائش پذیر لوگوں میں خوف و دہشت کا ماحول قائم ہوا ہے۔

آخری اطلاعات تک آر پار فائرنگ اور گولہ باری کا سلسلہ جاری تھا۔یاد رہے کہ اس سے قبل کرناہ سیکٹر میں بھی کنٹرول لائن پر آر پار فائرنگ کا تبادلہ ہوا۔ادھر صوبہ جموں کے پونچھ ضلعے کے سانجیان سیکٹر میں بھی شدید گولہ باری ہونے ک اطلاعات ہیں ۔معلوم ہوا ہے کہ تینوں اضلاع کے سرحدی علاقوں میں زبردست خود وہراس پایا جارہا ہے اور لوگوں کو محفوظ مقامات کی جانب بھاگتے ہوئے دیکھا گیا ۔ اآخری اطلاعات ملنے تک گولہ باری کاسلسلہ جاری تھا جبکہ ہلاکتوں میں مزید اضافے کا خدشہ ظاہر کیا جارہا ہے