14روزہ ’طبی مدت قید‘مکمل کرنے والے324طلاب آزاد

سرینگر//2 اپریل//کورنٹین مراکزمیں لازمی14روزتک الگ تھلگ رہنے والے مزید324افرادبشمول بیرون ممالک میں زیرتعلیم طلباءوطالبات کوجمعرات کے روز اپنے گھروں کوجانے کی اجازت دی گئی ،اوراس طرح سے گزشتہ 24گھنٹوں کے دوران ایسے سینٹروں سے کل 560افرادکورُخصت کیاگیا۔معلوم ہواکہ جمعرات کے روز سری نگرمیں قائم کورنٹین مراکز سے ایسے 324افرادجن میں بیرون ممالک میں زیرتعلیم طلباءو طالبات بھی شامل ہی کو14روزہ قرنطینہ مدت مکمل کرنے کے بعدرُخصت کیاگیا،اورانھیں اپنے گھروں کوجانے کی اجازت دی گئی ۔خیال رہے بیرون ممالک بشمول بنگلہ دیش سے دوہفتے پہلے کشمیرلوٹنے والے600سے زیادہ طلاب اوردیگرلوگوں کوسری نگرہوائی اڈے سے سرکارکی جانب سے قائم قرنطینہ مراکزمیں منتقل کیاگیاتھا،تاکہ دوہفتے تک ان سبھی کی صحت پرنگاہ رکھی جائے اوراگرکسی بھی طالب علم میں کووڈ19کے آثارپائے جائیں تواسکو فوری طورپرمخصوص صحت مراکزمیں منتقل کیاجاسکے ،نیز اُنھیں کچھ وقت تک اپنے گھروالوں اوردیگرجانکاروں ورشتہ داروں سے بھی دوررکھاجاسکے ۔ معلوم ہواکہ جمعرات کے روزجن 324طلاب کوکورنٹین مراکزمیں 14دن گزارنے کے بعدگھرجانے کی اجازت دی گئی ،اُن میں سے بیشتر بنگلہ دیش میں زیرتعلیم ہیں ،اوردوہفتے پہلے وہیں سے سری نگرپہنچے تھے ۔سرکاری ذرائع نے بتایاکہ کورنٹین مراکز سے رُخصت کئے جانے والے طلاب ودیگرلوگوں کایہ تیسراگروپ تھاکیونکہ اسے پہلے بھی ایسے طلاب کے دوگروپ گھرروانہ کئے گئے ہیں۔ایڈیشنل ڈپٹی کمشنرسری نگرسیدمحمدحنیف بلکی نے کہاکہ جمعرات کوجن300سے زیادہ طلاب کوسرکاری قرنطینہ مراکز سے رُخصت کیاگیا،اُن سبھی کوایس آرٹی سی گاڑیوں میں سوارکرکے گھروں کوروانہ کیاگیا۔انہوں نے کہاکہ کورنٹین مراکز سے رُخصت کئے گئے طلاب کومشورہ دیاگیاکہ وہ گھروں میں ہی رہیں ،اوردوسرے لوگوں سے دوری بنائے رکھیں ۔خیال رہے بدھ کے روزبھی سری نگرمیں قائم کورنٹین مراکزسے 236افرادجن میں بیشتر طالب علم تھے کورُخصت کرکے گھروں کوروانہ کیاگیاتھاجبکہ اسے پہلے 78ایسے افرادکوقرنطینہ مراکز میں 14دن گزارنے کے بعدگھروں کوجانے کی اجازت دی گئی تھی ۔انہوں نے کہاکہ اب تک کل 638ایسے افرادبشمول طلباءاور طالبات کوکورنٹین مراکز میں لازمی 14روزتک طبی نگہداشت میں رہنے کے بعدگھروں کوجانے کی اجازت دی گئی ہے ۔معلوم ہواکہ سری نگرمیں قائم کورنٹین مراکزمیں کل1900ایسے افراداورطلاب کورکھاگیاتھا،جو مختلف ممالک میں بغرض تعلیم ،تجارت اورملازمت کیلئے مقیم ہیں ۔بتایاجاتاہے کہ ایسے مراکزمیں ہنوز رکھے گئے باقی سبھی افرادکوبھی آنے والے دنوں میں باری باری رُخصت کرکے گھربھیج دیاجائیگا۔