بولسونارو کے بیٹے ہوسکتے ہیں امریکہ میں برازیل کے سفیر

میکسیکو سٹی، :  برازیل کے صدر جیئر بولسنارو کے بیٹے اور رکن پارلیمنٹ ایڈورڈو امریکہ میں برازیل کے نئے سفیر ہو سکتے ہیں۔
مسٹر بولسنارو نے جمعرات کے روز صحافیوں کو بتایاکہ ’’یہ میرے رڈار میں ہے۔ جی ہاں، ایسا امکان ہے۔ وہ (امریکی صدر) ڈونالڈ ٹرمپ کے بچوں کا دوست ہے۔ وہ انگریزی اور فر نچ جانتا ہے اور کافی تجربہ کار ہے۔ میرے خیال میں وہ اس عہدے کے لئے بہترر انتخاب ہے اور وہ واشنگٹن میں بہتر کام کرے گا‘‘۔
اس دوران گلوبو نیوز آؤٹ لیٹ نے بتایا کہ مسٹر بولسونارو نے یہ بھی کہا کہ سفیر کے طور پر ان کی تقرری کے بارے میں فیصلہ کرنا ان کے بیٹے پر منحصر ہے۔ برازیل کے صدر نے کہا کہ وہ اپنی جانب سے اپنے بیٹے کو فوری طور پر اس عہدے کے لئے منتخب کرنے کے لئے تیار ہیں۔
مسٹر بولسنارو نے مشورہ دیا کہ مثال کے طور پر اگر ارجنٹینا کے صدر مورسيو میكري کا بیٹا برازیل میں ملک کے سفیر کے طور پر کام کرتا ہے تو اسے الگ طریقے سے اہمیت دی جائے گی نہ کہ ایک عام سفیر کی طرح۔
اسپوتنک۔