سوڈان میں بغاوت کے الزام میں 12 افسران گرفتار

خرطوم، :  سوڈان میں جمعرات کی رات سکیورٹی فورسز نے بغاوت کی ناکام کوشش کے سلسلے میں فوج کے 12 افسران کو گرفتار کیا ہے۔
ٹرازشنل ملیٹری کونسل سیکورٹی (ٹی ایم سی) کے سربراہ جمال عمر ابراہیم نے جمعہ کے روز ایک بیان جاری کرکے یہ اطلاع دی۔ ان کے دعوے کے مطابق ٹی ایم سی نے جمعرات کی شب بغاوت کی ایک کوشش کو ناکام کر دیا۔
مسٹر ابراہیم نے کہاکہ ’’دیر رات 12 افسران کو حراست میں لیا گیا ہے۔ ان میں سے سات فوج کے ملازم ہیں اور پانچ ریٹائرڈ ہو چکے ہیں۔ اس سلسلے میں مزید گرفتاریاں ہوسکتی ہیں اور خاص طور اس بغاوت کے آرگنائزر کو گرفتار کیا جانا ابھی باقی ہے۔ آزادی اور تبدیلی کے لئے جدوجہد کر رہی اپوزیشن فورسز کے درمیان ہوئے معاہدے کو کمزور کرنے کے لئے فوجی بغاوت کی ناکام کوشش کی گئی ہے‘‘۔
ٹی ایم سی اور باغیوں کے درمیان مذاکرات میں ثالثی کرنے والے افریقی یونین کے محمد الحکین لیبیٹ نے کہا ہے کہ اقتدار مشترک کرنے والے معاہدے کے نتیجے میں قائم کی گئی مشترکہ کمیٹی کو جمعرات کو دیر سے سوڈان کی سیاسی نظام پر ایک ڈرافٹ معاہدہ حاصل کرنا چاہئے تھا۔ لیکن یہ کچھ تکنیکی دشواریوں کے سبب ایسا ممکن نہیں ہوا۔
جاری۔اسپوتنک