واشنگٹن ، : امریکہ کے صدر ڈونلڈ ٹرمپ 22 جولائی کو پاکستان کے وزیر اعظم عمران خان کے ساتھ دہشت گردی اور دیگر مسائل پر گفت وشنید کریں گے ۔ وائٹ ہاؤس نے بدھ کو جاری ایک بیان میں کہا’’صدر ڈونلڈ ٹرمپ 22 جولائی کو پاکستان کے وزیر اعظم عمران خان کا وائٹ ہاؤس میں خیر مقدم کریں گے‘‘۔انہوں نے کہا کہ پاکستان ’بہت زیادہ جدوجہد ‘ کا گواہ رہا ہے ۔ اس دورے سے خطے میں امن واستحکام اور اقتصادی خوشحالی کے لئے امریکہ اور پاکستان کے درمیان تعاون میں مضبوطی آئے گی۔ انہوں نے کہا’’اس دوران صدر ٹرمپ اور وزیر اعظم عمران خان کے مابین جنوبی ایشیا میں امن اور دونوں ممالک کے درمیان مستقل شراکتداری کے مقاصد، دہشت گردی، دفاع اور تجارت سمیت کئی معاملات پر بات چیت کی جائے گی۔
یواین آئی
