تلاشی کارروائیاں جاری ،جنگجوئوں اور فورسز کے درمیان آمنا سامنا ہونے کی کوئی اطلاع نہیں

پلوا،ہ ،شوپیان/ جنوبی کشمیر میں فوج وفورسز نے جنگجو مخالف آپریشنز کو جاری رکھتے ہوئے بدھ کی صبح پلوامہ اور شوپیان کے کئی دیہات کا بیک وقت محاصرہ کرکے بڑے پیمانے پر تلاشی کارروائی شروع کی ۔یہ کارروائی جنگجو ﺅں کی موجودگی کی اطلاع ملنے کے بعد عمل میں لائی گئی ۔

اطلاعات کے مطابق گوسو پلوامہ نامی گاﺅں کو بدھ کی صبح فوج وفورسز نے اپنے گھیرے میں لیا اور جنگجوﺅں کے خلاف آپریشن شروع کیا ۔فورسز کو یہ اطلاع ملی تھی ،کہ گاﺅں میں مسلح جنگجوﺅں کا ایک گروپ موجود ہے ،جس کے بعد یہاں محاصرہ کرکے تلاشی کارروائی شروع کی گئی ۔

اسی طرح کی ایک تلاشی کارروائی ترنج شوپیان میں شروع کی گئی ۔آخری اطلاعات ملنے تک دونوں دیہات میں تلاشی کارروائیوں کا سلسلہ جاری تھا ،تاہم یہاں جنگجو ﺅں اور فوج وفورسز کے درمیان آمنا سامنا ہونے کی کوئی اطلاع نہیں ہے ۔