سرینگر،: نیشنل کانفرنس ریاستی درجہ بحالی کے حوالے سے اپنا پروگرام کانسٹی ٹیوشن کلب آف انڈیا میں منعقد کرے گی۔
کانسٹی ٹیوشن کلب کے ایک عہدیدار نے خبر رساں ایجنسی کشمیر نیوز آبزرور (کے این او) کو بتایا کہ پارٹی نے اس تقریب کے لیے مالونکر ہال بک کر لیا ہے۔
عہدیدار نے فون پر بتایا، "جی ہاں، انہوں نے صبح 11:00 بجے سے ہال بک کیا ہے۔”
نیشنل کانفرنس نے پہلے اعلان کیا تھا کہ وہ اپنا احتجاجی پروگرام جنتَر منتَر میں منعقد کرے گی اور اس کے لیے اجازت بھی طلب کی گئی تھی، تاہم یہ ممکن نہیں ہو سکا کیونکہ وہاں کاکروچ جنتا پارٹی اپنے مطالبات کے حق میں دھرنا دے رہی تھی۔
یہ اطلاعات بھی سامنے آئی تھیں کہ نیشنل کانفرنس ممکنہ طور پر اپنا احتجاج رام لیلا میدان میں منعقد کر سکتی ہے۔ — (کے این او)
