نئی دہلی،:کانگریس نے الزام لگایا ہے کہ اتراکھنڈ کی بھارتیہ جنتا پارٹی (بی جے پی) حکومت نے لوک سبھا میں اپوزیشن لیڈر راہل گاندھی کی ‘چھاتروں کی گونج’ مہم کے تحت 17 جولائی کو دہرادون پریڈ گراؤنڈ میں ہونے والے پروگرام کی اجازت سازش کے تحت منسوخ کر دی ہے۔
پارٹی نے سوشل میڈیا پلیٹ فارم ‘ایکس’ پر اتراکھنڈ کانگریس کے صدر گنیش گودیال اور اسمبلی میں اپوزیشن لیڈر یشپال آریہ کی پوسٹ شیئر کرتے ہوئے بدھ کو کہا کہ اتراکھنڈ حکومت کا یہ فیصلہ واضح طور پر ظاہر کرتا ہے کہ بی جے پی مسٹر گاندھی کی مہم سے گھبرا گئی ہے۔
اتراکھنڈ کانگریس لیڈران نے اپنی الگ الگ پوسٹس میں کہا کہ بی جے پی حکومت نہیں چاہتی کہ مسٹر گاندھی کا پروگرام پریڈ گراؤنڈ میں ہو، اس لیے انتظامیہ کے ذریعے پروگرام منعقد کرنے کی اجازت منسوخ کرائی گئی ہے۔ پارٹی کا دعویٰ ہے کہ انتظامیہ نے کسی دوسرے پروگرام کا حوالہ دیا، جبکہ دیر رات کانگریس لیڈران اور کارکنان کے پہنچنے پر پورا پریڈ گراؤنڈ خالی ملا۔
کانگریس لیڈران نے کہا کہ پارٹی اس فیصلے سے ڈرنے والی نہیں ہے اور 17 جولائی کو ہونے والا ‘چھاتروں کی گونج’ مہم کا پروگرام تاریخی ہوگا۔ انہوں نے الزام لگایا کہ جمہوری طریقے سے منعقد کیے جانے والے پروگرام میں رکاوٹیں ڈالنا بی جے پی حکومت کی سیاسی گھبراہٹ کو ظاہر کرتا ہے۔
