ٹی20 ورلڈ کپ: انڈیا 72 رنز سے کامیاب، زمبابوے ٹورنامنٹ سے باہر

مسلسل ناکامیوں کے بعد ابھشیک شرما نے اس میچ میں نصف سینچری بنائی اور 55 رنز بنا کر آؤٹ ہوئے۔ ہاردک پانڈیا 50 اور تلک ورما 44 رنز بنا کر ناٹ آؤٹ رہے۔تاہم اتنے بڑے مارجن سے فتح کے بعد بھی انڈیا کو سیمی فائنل تک رسائی کے لیے اتوار کو ہر حال میں ویسٹ انڈیز کو ہرانا ہو گا۔ ویسٹ انڈیز کو بھی سیمی فائنل میں جانے کے لیے انڈیا کو شکست دینا ضروری ہے۔

گروپ اے میں جنوبی افریقہ چار پوائنٹس کے ساتھ سرفہرست ہے اور جمعرات کو ہی ویسٹ انڈیز کو شکست دے کر سیمی فائنل کے لیے کوالیفائی کر چکا ہے۔اب انڈیا اور ویسٹ انڈیز کے میچ میں جو فاتح ہو گا وہ اس ہی اس گروپ سے سیمی فائنل کھیلنے والی دوسری ٹیم ہو گی۔