جموں،:منشیات کے خلاف کارروائی جاری رکھتے ہوئے جموں پولیس نے ایک منشیات فروش کو گرفتار کرکے اس کی تحویل سے ہیروئن جیسا مواد بر آمد کیا ہے۔
ایک پولیس ترجمان نے اپنے ایک بیان میں کہا کہ پولیس اسٹیشن گاندھی نگر کی ایک ٹیم نے معمول کے گشت کے دوران رانی تالاب نزدیک پیر بابا دگیانہ جموں میں ایک مشکوک شخص کو روکا۔
انہوں نے کہا کہ تلاشی کے دوران اس کی تحویل سے 15 گرام ہیروئن جیسا ممنوعہ مواد بر آمد کیا گیا جس کے بعد اس کی گرفتاری عمل میں لائی گئی
ملزم کی شناخت محمد زاکف ولد محمد اسلم سلن رکھ بدالی اودھم پور کے طور پر کی گئی۔بیان میں کہا گیا کہ اس سلسلے میں پولیس اسٹیشن گاندھی نگر میں این ڈی پی ایس ایکٹ کے تحت ایک کیس درج کرکے مزید تحقیقات شروع کی گئیں۔
انہوں نے کہا کہ بر آمد شدہ مواد ممنوعہ مواد کے قانون کے تحت ضبط کیا گیا۔ان کا کہنا ہے کہ جموں پولیس منشیات کی بیخ کنی کے لئے پر عزم ہے۔
