لندن: پاپ گلوکارہ کیٹی پیری سمیت تمام چھ خواتین خلا کا سفر مکمل کرنے کے بعد بحفاظت زمین پر واپس آ گئی ہیں۔ ان کا یہ خلائی سفر تقریباً 11 منٹ کاتھا۔
بتایا جا رہا ہے کہ جب یہ ٹیم خلا میں پہنچی تو کیٹی پیری گانا گا رہی تھیں۔
ان کے خلائی جہاز نے زیادہ سے زیادہ 2300 میل فی گھنٹہ کی رفتار سے سفر کیا، جو آواز کی رفتار سے تین گنا زیادہ ہے۔ اس ٹیم میں پاپ گلوکارہ، صحافی، سائنسدان اور فلم ساز سمیت مختلف شعبوں سے تعلق رکھنے والی خواتین شامل تھیں۔
چھ خواتین پر مشتمل اس مکمل ٹیم کو جیف بیزوس کی خلائی کمپنی "بلو اوریجن” نے ’نیو شیفرڈ راکٹ‘ کے ذریعے خلا میں بھیجا۔
