سری نگر: محکمہ موسمیات نے وادی کشمیر میں اگلے دو دنوں کے دوران پہاڑی علاقوں میں گرج چمک کے ساتھ برف و باراں کی پیش گوئی کی ہے۔
محکمے نے اپنی ایڈوائزری میں کسانوں سے کہا ہے کہ وہ 9 اور 10 اپریل کو اپنے کھیت کھلیانوں اور باغوں میں تمام آپریشنز معطل رکھیں۔
متعلقہ محکمے کے ایک ترجمان نے بتایا کہ وادی میں 8 اپریل کی دوپہر تک موسم خشک رہنے کا امکان ہے جس کے بعد موسم ابر آلود رہ سکتا ہے۔انہوں نے کہا کہ 9 اور 10 اپریل کو پہاڑی علاقوں میں کئی مقامات پر رک رک کر ہلکی برف باری یا بارشیں ہوسکتی ہے۔ان کا کہنا ہے کہ اس دوران کہیں کہیں 30 سے 40 کلو میٹر فی گھنٹہ رفتار سے تیز ہوائیں چلنے کا امکان ہے۔
ان کا کہنا ہے کہ 11 اپریل کو موسم ابر آلود رہنے کے ساتھ بالائی علاقوں میں کہیں کہیں صبح کے وقت ہلکی برف باری اور بارش کا امکان ہے جبکہ دوپہر کے بعد موسم میں بہتری متوقع ہے۔موصوف ترجمان نے بتایا کہ وادی میں 12 سے 17 اپریل تک موسم مجموعی طور پر خشک رہنے کی توقع ہے۔
انہوں نے کہ وادی میں 18 سے 20 اپریل تک موسم ایک بار پھر خراب رہ سکتا ہے اور اس دوران پہاڑی علاقوں میں برف و باراں کا امکان ہے۔
محکمے نے اپنی ایڈوائزری میں کسانوں سے کہا ہے کہ وہ 9 اور 10 اپریل کو اپنے کھیت کھلیانوں اور باغوں میں تمام آپریشنز معطل رکھیں۔
