سات ملی ٹنٹ معاونین کے خلاف چارج شیٹ داخل: سری نگر پولیس

سری نگر:سری نگر پولیس نے غیر قانونی سرگرمیاں (روک تھام) یو اے ( پی) ایکٹ کے تحت 7 ملی ٹنٹ معاونین کے خلاف سری نگر کی ایک عدالت میں چارج شیٹ داخل کی ہے۔یہ چارج شیٹ یو اے (پی) ایکٹ کی دفعہ 13, 18, 20, 23, اور 38 کے ساتھ ساتھ آرمز ایکٹ کی دفعہ 7/25 کے تحت پولیس اسٹیشن خانیار میں درج ایک ایف آئی آر زیر نمبر 31/2024 سے متعلق ہے۔
ایک پولیس ترجمان نے اپنے ایک بیان میں تفصیلات فراہم کرتے ہوئے کہا: ‘ سری نگر پولیس نے غیر قانونی سرگرمیاں (روک تھام) یو اے (پی) ایکٹ کے تحت 7 دہشت گرد معاونین کے خلاف سری نگر کی ایک عدالت میں چارج شیٹ داخل کی ہے’۔انہوں نے کہا: ‘یہ چارج شیٹ یو اے ((پپی) ایکٹ کی دفعہ 13, 18, 20, 23, اور 38 کے ساتھ ساتھ آرمز ایکٹ کی دفعہ 7/25 کے تحت پولیس اسٹیشن خانیار میں درج ایک ایف آئی آر زیر نمبر 31/2024 سے متعلق ہے’۔
بیان میں کہا گیا: ‘ اس مقدمے میں مجموعی طور پر 8 ملزمان ملوث تھے جن میں سے عثمان کے نام سے کام کرنے والا ایک پاکستانی دہشت گرد بھی شامل تھا جس کو ایک پولیس انکائونٹر میں ہلاک کر دیا گیا تھا’۔
پولیس ترجمان نے کہا: ‘دہشت گردی سے متعلق مختلف سرگرمیوں میں ملوث ہونے کے الزام میں 7 افراد کے خلاف باقاعدہ طور پر الزامات درج کیے گئے ہیں جبکہ ہلاک ہونے والے پاکستانی دہشت گرد کے حوالے سے چالان بھی جمع کرایا گیا ہے’۔انہوں نے کہا کہ جموں و کشمیر پولیس دہشت گردی کا مقابلہ کرنے اور لوگوں کے تحفظ کو یقینی بنانے کے لیے پرعزم ہے۔