حکام کشمیر میں بجلی کی بلا خلل فراہمی کو یقینی بنائیں: محمد یوسف تاریگامی

سری نگر: سی پی آئی (ایم) کے سینئر لیڈر اور رکن اسمبلی محمد یوسف تاریگامی نے حکام سے وای کشمیر میں بجلی کی بلا خلل فراہمی کو یقینی بنانے کی اپیل کی ہے۔
انہوں نے کہا کہ ‘بغیر کسی رکاوٹ کے بجلی کی عدم موجودگی سے وادی کے کئی علاقوں میں سی او پی ڈی کے مریضوں کو جنریٹروں کی خدمات کا استعمال کرنا پڑتا ہے’۔موصوف لیڈر نے ان باتوں کا اظہار جمعہ کو ‘ایکس’ پر اپنے ایک پوسٹ میں کیا۔
انہوں نے کہا: ‘بغیر کسی رکاوٹ کے بجلی کی عدم موجودگی سے وادی کے کئی علاقوں میں سی او پی ڈی کے مریضوں کو جنریٹروں کی خدمات کا استعمال کرنا پڑتا ہے جس سے ان کے علاج کے اخراجات میں نمایاں اضافہ ہوتا ہے’۔
انہوں نے کہا: ‘مزید برآں درجہ حرارت نقطہ انجماد سے نیچے درج ہونے کے بیچ بجلی کی طویل بندش لوگوں کے لئے بے پناہ مشکلات کا باعث بنتی ہے۔
ان کا پوسٹ میں کہنا تھا: ‘ میں حکام سے بجلی کی بلا خلل فراہمی کو یقینی بنانے کی اپیل کرتا ہوں’۔