سری نگر: وادی کشمیر کو لداخ یونین ٹریٹری کے ساتھ جوڑنے والے سونہ مرگ – کرگل روڈ پر تازہ برف باری کے باعث ٹریفک کی نقل و حمل بند ہے تاہم جنوبی کشمیر کے ضلع شوپیاں کو صوبہ جموں کے راجوری اور پونچھ
کے ساتھ جوڑنے والے تاریخی مغل روڈ پر ٹریفک کی نقل و حمل بحال کر دی گئی ہے۔
ادھر وادی کو ملک کے باقی حصوں کے ساتھ جوڑنے والی سری نگر – جموں قومی شاہراہ پر ٹریفک کی دو
طرفہ آمد و رفت حسب معمول جاری ہے۔
ٹریفک حکام نے بتایا کہ تازہ برف باری کے باعث سونہ مرگ – کرگل روڈ اور سنتھن روڈ پر ٹریفک کی نقل و
حمل بند ہے۔
انہوں نے کہا کہ روڈ ٹھیک کرنے والی ایجنسیوں کی طرف سے گرین سگنل ملنے کے بعد ان پر ٹریفک کو چلنے کی
اجازت دی جائے گی۔
ان کا کہنا ہے کہ مغل روڈ پر ٹریفک کی نقل حمل بحال کر دی گئی ہے۔
وادی کو ملک کے باقی حصوں کے ساتھ جوڑنے والی سری نگر – جموں قومی شاہراہ پر ٹریفک کی دو طرفہ
آمد و رفت حسب معمول جاری ہے۔
حکام نے مسافرں سے قومی شاہراہ پر لین ڈسپلن پر عمل کرنے کی تاکید کی ہے۔
انہوں نے مسافروں سے کہا ہے کہ وہ قومی شاہراہ پر دن کے دوران ہی سفر کریں اور چٹانیں کھسکنے یا مٹی کے تودے گر آنے کے خدشات کے پیش نظر رام بن اور بانہال کے درمیان غیر ضروری طور رکنے سے اجتناب کریں۔
