اننت ناگ میں ملی ٹینٹ معاون کی پانچ کروڑ روپیہ مالیت کی جائیداد قرق:پولیس

اننت ناگ : جموں وکشمیر پولیس نے اننت ناگ میں ملی ٹینٹ معاون کی پانچ کروڑ روپیہ مالیت کی جائیداد کو ضبط کیا ہے۔
پولیس کے ایک ترجمان نے بتایا کہ اننت ناگ پولیس نے فردوس احمد بٹ ساکن ہگام لونپورہ سریگفوارہ کی ایک کنال دس مرلہ اراضی کو یو اے پی اے ایکٹ کے تحت قرق کیا ہے۔
انہوں نے بتایا کہ پولیس اسٹیشن مٹن میں درج ایف آئی آر زیر نمبر 57/24کے تحت یہ کارروائی عمل میں لائی گئی ۔
موصوف ترجمان کے مطابق تمام تر قانونی لوازمات پورے کرنے کے بعد ایگزیکٹیو مجسٹریٹ کی موجودگی میں پانچ کروڑ روپیہ مالیت کی جائیداد کو منسلک کیا گیا ۔
پولیس کے مطابق دہشت گردی کے ماحولیاتی نیٹ ورک کو ختم کرنے کی خاطر اس طرح کی کارروائیاں جاری رہیں گی۔