زیون ہو زیون ہو:نیشنل کانفرنس اور کانگریس کارکنان منارہے ہیں جشن

 جموں وکشمیر کی 90 اسمبلی نشستوں کے لیے ووٹوں کی گنتی جاری ہے، نیشنل کانفرنس (این سی) اور انڈین نیشنل کانگریس (آئی این سی) کے پارٹی کارکنان منگل کو سڑکوں پر نکل آئے، اور نعرے لگاتے ہوئے "زیون ہو زیون زیواں ہو (ہم جیت گئے ہم جیت گئے)”۔

تین سیٹوں – گریز، حضرتبل اور زادبل – پر کامیابی کے ساتھ این سی فی الحال 39 اسمبلی حلقوں میں آگے ہے، جبکہ اس کی اتحادی پارٹی کانگریس چھ میں آگے ہے۔

 دونوں جماعتوں کے کارکن انتخابی نتائج کا جشن منانے کے لیے ایس کے آئی سی سی کے باہر جمع ہوئے۔

این سی کے کارکن اعجاز احمد نے کہا، ”یہ فیصلہ کشمیر کے لوگوں کی جیت ہے۔“ انہوں نے کہا کہ ووٹروں نے این سی پر اعتماد ظاہر کیا ہے اور گزشتہ پانچ سالوں کی پالیسیوں کو مسترد کر دیا ہے۔

ایک اور این سی کارکن مدثر خان نے کہا، ”کشمیر کے لوگ پانچ سال سے زیادہ عرصے سے کھلی جیلوں میں رہ رہے ہیں۔ اب ان کے اپنے مسائل حل کرنے کے لیے ان کے اپنے نمائندے ہوں گے۔“