کٹھوعہ انکاونٹر:ایک ملی ٹینٹ ہلاک، آپریشن ہنوز جاری

جموں:موں کے کٹھوعہ ضلع کے بلاور میں سیکورٹی فورسز کے ساتھ تصادم میں ایک عدم شناخت ملی ٹینٹ مارا گیا۔ایڈیشنل ڈائریکٹر جنرل آف پولیس کے مطابق علاقے میں تلاشی آپریشن ہنوز جاری ہے۔اطلاعات کے مطابق کٹھوعہ کے بلاور علاقے میں سیکورٹی فورسز کے ساتھ تصادم میں ایک ملی ٹینٹ مارا گیا جس کی شناخت اور تنظیمی وابستگی کے بارے میں جانچ پڑتال شروع کی گئی ہے۔
ذرائع نے بتایا کہ ہفتے کی شام کٹھوعہ کے بلاور علاقے میں سیکورٹی فورسز اور ملی ٹینٹوں کے مابین کئی گھنٹوں تک دوبدو گولیوں کا تبادلہ جاری رہا۔معلوم ہوا ہے کہ اتوار کی صبح سیکورٹی فورسز نے جائے تصادم کے نزدیک ممکنہ طورپر ایک ملی ٹینٹ کی لاش برآمد کی ہے ۔ایڈیشنل ڈائریکٹر جنرل آف پولیس جموں آنند جین کے مطابق کٹھوعہ کے بلاور گاوں میں آپریشن جاری ہے۔انہوں نے کہاکہ علاقے میں تین سے چار ملی ٹینٹ موجود ہو سکتے ہیں جس کے پیش نظر سیکورٹی فورسز نے وسیع علاقے کو محاصرے میں لے کر فرار ہونے کے راستوں پر پہرے بٹھا دئے ہیں۔اے ڈی جی پی کے مطابق ملی ٹینٹوں کی ابتدائی فائرنگ میں ایک ہیڈ کانسٹیبل جام شہادت نوش کر گیا ۔
یو این آئی، ار