امریکی ایوان نے شہریت کے ثبوت کی ضرورت کا بل منظور کیا

امریکی ایوان نے شہریت کے ثبوت کی ضرورت کا بل منظور کیا

واشنگٹن، 11 جولائی (یو این آئی) امریکی ایوان نمائندگان نے امریکی وفاقی انتخابات میں ووٹ ڈالنے کے مقصد سے رجسٹریشن کرانے کے لئے لوگوں سے امریکی شہریت کا ثبوت پیش کرنے کی ضرورت کے واسطے قانون پاس کیا۔

ایوان کے قانون سازوں نے بدھ کے روز ’سیف گارڈ امریکن ووٹر ایلیجی بلیٹی ایکٹ‘ کے نامی بل منظور کیا جس کے حق میں 221 اور مخالفت میں 198 ووٹ پڑے۔

امریکی ایوان میں اکثریتی لیڈر اسٹیو اسکیلیس نے کہا کہ بائیڈن انتظامیہ کے تحت جنوبی سرحد پر غیر قانونی امیگریشن کی بڑھتی ہوئی تعداد کے درمیان، یہ یقینی بنانے کے لیے انتخابی سکیورٹی کو مضبوط بنانا ضروری ہے کہ صرف امریکی شہری ہی وفاقی انتخابات میں ووٹ دیں۔

وائٹ ہاؤس نے کہا کہ وہ اس قانون کی سختی سے مخالفت کرتا ہے۔ وائٹ ہاؤس نے کہا کہ یہ بل آسانی سے غلط ثابت ہونے والے جھوٹ پر مبنی ہے اورایسا کم ہی ہوتا ہے غیر شہری وفاقی انتخابات میں ووٹ دے کر قانون کی خلاف ورزی کرتے ہیں۔

ارب پتی کاروباری شخصیت ایلون مسک نے کہا کہ قانون کی مخالفت کرنے والے قانون ساز امریکہ کے غدار ہیں اور جو لوگ اس بل سے اختلاف کرتے ہیں وہ انتخابات میں دھوکہ دہی کی کوشش کر رہے ہیں۔

یو این آئی

Leave a Reply

Your email address will not be published.