جسٹس سنجیو کھنہ، جسٹس ایم ایم سندریش اور جسٹس بیلا ایم ترویدی کی خصوصی بنچ نے جلد سماعت کے لیے کیجریوال کی عرضی کو قبول کرتے ہوئے اس معاملے کو آج سماعت کے لیے درج کرنے کی ہدایت دی۔
وزیراعلی کیجریوال کی نمائندگی کرتے ہوئے سینئر وکیل ابھیشیک منو سنگھوی نے خصوصی بنچ سے جلد سماعت کی درخواست کی جسے قبول کر لیا گیا۔
اس سے کچھ وقت پہلے سینئر ایڈوکیٹ سنگھوی نے چیف جسٹس ڈی وائی چندرچوڑ کی سربراہی والی بنچ کے سامنے اس کیس کا خصوصی ذکر کیا تھا اور جلد سماعت کی درخواست کی تھی۔ جسٹس چندر چوڑ نے انہیں جسٹس کھنہ کی سربراہی والی بنچ کے سامنے اس معاملے کو رکھنے کی ہدایت دی تھی۔
وزیراعلی کیجریوال کو دہلی ہائی کورٹ سے راحت نہ ملنے کے بعد ای ڈی نے انہیں جمعرات کی رات نئی دہلی میں ان کی رہائش گاہ سے گرفتار کرلیا۔
اس نے دہلی شراب پالیسی 2021-2022 (جسے بعد میں منسوخ کر دیا گیا) کیس سے متعلق منی لانڈرنگ کیس میں اپنی گرفتاری سے (دہلی ہائی کورٹ سے) راحت حاصل کرنے میں ناکام رہنے کے بعد سپریم کورٹ سے رجوع کیا تھا۔ کیجریوال نے اپنی گرفتاری کے معاملے میں انہیں سیکورٹی فراہم نہ کرنے کے ہائی کورٹ کے حکم کے بعد سپریم کورٹ میں رٹ پٹیشن دائر کی تھی ۔
یو این آئی
سپریم کورٹ آج کیجریوال کی عرضی پر سماعت کے لیے راضی added by ایشین میل on
View all posts by ایشین میل →