نتن گڈکری نے جموں و کشمیر میں نیشنل ہائی وے-444 پر شوپیان بائی پاس کی تعمیر کے لیے 224.44 کروڑ روپے کی منظوری دی

نئی دہلی: روڈ ٹرانسپورٹ اور ہائی ویز کے مرکزی وزیر نتن گڈکری نے ایک مراسلہ میں کہا ہے کہ جموں و کشمیر میں نیشنل ہائی وے-444 پر شوپیان بائی پاس کی تعمیر کے لیے مختص 224.44 کروڑ روپے کو منظوری دی گئی ہے۔ شوپیاں بائی پاس کو دو لین میں تبدیل کیا جائے گا اور سڑک کے اطراف کو کنکریٹ کیا جائے گا۔ شوپیاں ضلع میں 8.925 کلومیٹر کا یہ ڈولپمنٹ ای پی سی موڈ میں مکمل کیا جائے گا۔
مسٹر گڈکری نے کہا کہ شوپیاں ضلع کو ایک طرف پلوامہ سے اور دوسری طرف جموں و کشمیر کے مرکز کے زیر انتظام علاقے کولگام سے جوڑنے والا یہ منصوبہ اسٹریٹجک اہمیت کا حامل ہے۔ اس سے شوپیاں ضلع میں سیب کے کاشتکاروں کو سہولت ملے گی، جسے جنوبی کشمیر میں "وادی کا ایپل باؤل” کہا جاتا ہے، اپنی پیداوار کو سڑک کے ذریعے تیزرفتار سے منڈیوں تک پہنچانے میں مدد فراہم کرے گی ۔ بڑھتے ہوئے کنیکٹیویٹی اور سڑک کی حفاظت کے اقدامات کے ذریعے پراجیکٹ کا بڑا اثر پڑے گا۔