سری نگر، 13 جون: وادی کشمیر میں منگل کی دوپہر کو زلزلے کے جھٹکے محسوس کئے گئے تاہم کسی جانی یا مالی نقصان کی کوئی اطلاع نہیں ہے زلزلے کا مرکز جموں و کشمیر کا ضلع ڈوڈہ تھا اور ریکٹر اسکیل پر اس کی شدت 5.4 ریکارڈ ہوئی ہے نیشنل سینٹر فار سیسمالوجی کے مطابق جموں وکشمیر میں منگل کی دوپہر 1 بج کر 33 منٹ پر زلزلہ ہوا۔
سینٹر کے مطابق زلزلے کا مرکز ڈوڈہ تھا اور ریکٹر اسکیل پر اس کی شدت5.4 ریکارڈ کی گئی جبکہ زیر زمین اس کی گہرائی 6 کلو میٹر تھی۔
تاہم کسی جگہ سے کسی جانی یا مالی نقصان کی کوئی اطلاع موصول نہیں ہوئی ہے۔
بتادیں کہ جموں وکشمیر زلزلیاتی پیمانے پر سب سے زیادہ خطرناک زون پانچ اور چار میں آتا ہے۔
یو این آئی
