نمائندہ خصوصی
سری نگر:26اپریل سے وقفے وقفے سے ہلکی بارش کے امکان اور عام طور پر ابر آلود موسم کی پیش گوئی کے درمیان، منگل کو رات کے درجہ حرارت میں اضافہ ریکارڈ کیا گیا۔محکمہ موسمیات کے ایک اہلکار نے یہاں بتایا کہ بدھ سے بعض مقامات پر بالائی علاقوں میں بارش اور برفباری کا امکان ہے۔
26سے 28اپریل تک موسم عام طور پر مطلع ابر آلود رہنے کی توقع ہے اور27 اپریل کو بہت سی جگہوں پر گرج چمک کے ساتھ وقفے وقفے سے ہلکی بارش کا امکان ہے (کشمیر کے وسطی اور شمال مغربی حصوں کے بالائی میں ہلکی برف باری ہونے کا امکان)۔ انہوں نے مزید کہا کہچند مقامات پر درمیانی شدت کی بارش بھی متوقع ہے۔
انہوں نے کہا کہ اس دوران دوپہر اورشام کے اوقات تیز ہوا چلنے کے ساتھ ژالہ باری کے امکان کو رد نہیں کیا جا سکتا ہے۔ انہوں نے کہا،”29سے30 اپریل تک عام طور پر مطلع ابر آلود اور ہلکی بارش کچھ جگہوں پر مختصر مدت کے لیے متوقع ہے۔‘ انہوں نے مزید کہا’اپریل کے آخر تک بھاری بارش یابرفباری کی کوئی پیش گوئی نہیں ہے۔‘
درجہ حرارت کے بارے میں محکمہ موسمیات کے اہلکارنے بتایا کہ سری نگر میں گزشتہ رات 5.1 ڈگری سینٹی گریڈ کے مقابلے میں 8.3 ڈگری سینٹی گریڈ ریکارڈ کیا گیا اورگرمائی دارالحکومت کے لیے یہ معمول سے 0.6 ڈگری سینٹی گریڈ کم تھا۔
قاضی گنڈمیں گزشتہ رات 3.6 سینٹی گریڈ کے مقابلے میں 4.8 سینٹی گریڈ کم سے کم درجہ حرارت ریکارڈ کیا گیا اور کشمیر کے گیٹ وے قصبہ کے لئے یہ معمول سے 2.7 سینٹی گریڈ کم تھا۔
انہوں نے کہا کہ پہلگام میں گزشتہ رات 0.5 سینٹی گریڈ کے مقابلے میں 1.6 سینٹی گریڈ کا کم سے کم درجہ حرارت ریکارڈ کیا گیا اور یہ جنوبی کشمیر کے اننت ناگ ضلع کے مشہور سیاحتی مقام کے لئے معمول سے 2.4 سینٹی گریڈ کم تھا۔
حکام نے بتایا کہ کوکرناگ میں گزشتہ رات 6.2 سینٹی کے مقابلے میں 6.2 سینٹی گریڈ کم سے کم درجہ حرارت ریکارڈ کیا گیا اور یہ اس جگہ کے لئے معمول سے 0.4 سینٹی گریڈ زیادہ تھا۔
انہوں نے کہا کہ گلمرگ میں گزشتہ رات 3.2 ڈگری سینٹی گریڈ کے مقابلے میں 4.6 ڈگری سینٹی گریڈ کم سے کم درجہ حرارت ریکارڈ کیا گیا اور یہ شمالی کشمیر کے بارہمولہ ضلع میں دنیا کے مشہور سیاحتی مقام کے لئے معمول سے 1.3 ڈگری سینٹی گریڈ زیادہ تھا۔
انہوں نے کہا کہ کپوارہ قصبے میں پارہ گزشتہ رات 3.7 ڈگری سینٹی گریڈ کے مقابلے 3.2 ڈگری سینٹی گریڈ رہا اور شمالی کشمیر کے علاقے میں یہ معمول سے 4.4 ڈگری سینٹی گریڈ کم تھا۔
جموں میں کم سے کم درجہ حرارت 20.6 ڈگری سینٹی گریڈ ریکارڈ کیا گیا جو گزشتہ رات 17.6 ڈگری سینٹی گریڈ تھا۔ انہوں نے کہا کہ جموں و کشمیر کے سرمائی دارالحکومت کے لیے یہ معمول سے 0.4 سینٹی گریڈ کم تھا۔
انہوں نے کہا کہ بانہال میں کم سے کم درجہ حرارت 7.8سینٹی گریڈ (معمول سے 1.6 سینٹی گریڈسے کم)، بٹوٹ میں 10.0 (معمول سے 1.3سینٹی گریڈ سے کم)، کٹرہ میں 16.1 (معمول سے 2.0 کم) اور بھدرواہ میں7.9 ریکارڈ کیا گیا۔ (0.5 سینٹی گریڈ معمول سے کم)۔حکام نے مزید کہا کہ لداخ کے لیہہ اور کارگل میں بالترتیب منفی 1.2 سینٹی گریڈ اور 3.1 سینٹی گریڈ ریکارڈ کیا گیا۔
