سری نگر، 14نومبر: وادی کشمیر کو ملک کے باقی حصوں کے ساتھ جوڑنے والی سری نگر- جموں قومی شاہراہ پر چٹانیں کھسک آنے کی وجہ سے پیر کی صبح ٹریفک کی نقل و حمل روک دی گئی۔
ٹریفک پولیس ذرائع نے بتایا کہ قومی شاہراہ پر پیر کی صبح رام بن کے چندر کوٹ علاقے میں چٹانیں کھسک آئیں جس کے نتیجے میں شاہراہ پر ٹریفک کی نقل و حمل روک دی گئی۔
انہوں نے بتایا کہ شاہراہ کو قابل آمدورفت بنانے کی خاطر کام شدومد سے جاری ہے.
بتادیں کہ قومی شاہراہ اہلیان وادی کے لئے شہہ رگ کی حیثیت رکھتی ہے اور اس کے بند ہونے سے لوگوں کو گونا گوں مشکلات کا سامنا کرنا پڑتا ہے۔
لوگوں کا کہنا ہے کہ شاہراہ کے بند ہوتے ہی وادی کے بازاروں میں اشیائے ضروریہ کی قلت پیدا ہوجاتی ہے اور گراں بازاری بھی آسمان بھی چھونے لگتی ہے۔
