نئی دہلی، 17 اکتوبر: وزیر اعظم نریندر مودی نے پیر کو پردھان منتری کسان سمان ندھی کی 12ویں قسط کے 16000 کروڑ روپے جاری کئے مسٹر مودی نے انڈین ایگریکلچرل ریسرچ انسٹی ٹیوٹ میں منعقدہ پردھان منتری کسان سمان سمیلن کے دوران آٹھ کروڑ کسانوں کے بینک کھاتوں میں 16000 کروڑ کی رقم منتقل کی۔ اس کے تحت کسانوں کو ان کے بینک کھاتوں میں دو ہزار روپے کی رقم جاری کی گئی۔
پی ایم کسان یوجنا کے تحت کسانوں کو سالانہ 6000 روپے کی مالی امداد دی جاتی ہے۔ اس سال دوسری بار کسانوں کے بینک کھاتوں میں رقم جاری کی گئی ہے۔
اس موقع پر مرکزی وزیر زراعت نریندر سنگھ تومر، مرکزی کیمیکل اور فرٹیلائزر منسکھ منڈاویہ اور کئی دیگر وزراء بھی موجود تھے۔
یو این آئی
