سری نگر،ْ جموں وکشمیر پولیس نے شوپیاں میں لشکر طیبہ کے ایک ہابرڈ جنگجو کو اسلحہ وگولہ بارود سمیت حراست میں لینے کا دعویٰ کیا ہے۔پولیس کے ایک ترجمان نے بتایا کہ ملی ٹینٹوں کی موجودگی کی اطلاع موصول ہونے کے بعد 44 آر آر،178بٹالین سی آر پی ایف اور جموں وکشمیر پولیس نے پیٹرولنگ کے دوران ایک جنگجو کو دھر دبوچ کر سلاخوں کے پیچھے دھکیل دیا۔
انہوں نے گرفتار جنگجو کی شناخت یاور احمد پڈر ولد علی محمد پڈر ساکن ہف زینہ پورہ کے بطور کی۔اُن کے مطابق جامہ تلاشی کے دوران جنگجو کے قبضے سے ایک پستول، بارہ گولیوں کے راونڈ اور دیگر قابل اعتراض مواد برآمد کرکے ضبط کیا گیا۔
انہوں مزید بتایا کہ اس سلسلے میں زینہ پورہ پولیس اسٹیشن میں کیس درج کرکے مزید تحقیقات شروع کی گئی ۔
یو این آئ
