قبل ازیں مسٹر مودی دہلی سے روانہ ہوئے اور صبح تقریباً 10 بجے خصوصی طیارے کے ذریعے گوالیار پہنچے، جہاں گورنر منگو بھائی پٹیل، وزیر اعلیٰ شیوراج سنگھ چوہان اور دیگر معززین نے ان کا استقبال کیا۔ اس کے بعد مسٹر مودی فوج کے خصوصی ہیلی کاپٹر سے کونو نیشنل پارک کے لیے روانہ ہوئے۔ کونو نیشنل پارک کے علاقے میں مسٹر مودی کے ہیلی کاپٹر کو اتارنے کے لیے ہیلی پیڈ تیار کیا گیا ہے۔
اس سے پہلے آٹھ چیتے کو کل نامیبیا سے خصوصی طیارے کے ذریعے لایا گیا تھا، جو صبح گوالیار ہوائی اڈے پر اترا۔ ہوائی اڈے پر، شہری ہوا بازی کے مرکزی وزیر جیوترادتیہ سندھیا نے خصوصی طیارے میں سوار خصوصی ٹیم کا استقبال کیا۔ مسٹر سندھیا کی موجودگی میں، خصوصی پنجڑے طیارے سے اتار کر ہیلی کاپٹر میں رکھے گئے۔ ان پنجڑوں کو ہیلی کاپٹر کے ذریعے کونو نیشنل پارک لے جایا گیا۔ مسٹر مودی کے کونو پہنچنے سے پہلے ہی چیتے کونو نیشنل پارک پہنچ چکے تھے۔
مسٹر مودی کونو میں چیتوں کو باضابطہ طور پر چھوڑنے کے بعد چیتے دوست ٹیم سے بات چیت کریں گے۔ کونو علاقے میں چیتے دوست بھی تعینات کیے گئے ہیں، جنہیں چیتوں کی حفاظت کے لیے ضروری تربیت دی جائے گی۔ کونو نیشنل پارک سے بے گھر ہونے والے کچھ دیہات کے مکینوں کو چیتا دوست بنا دیا گیا ہے۔
پروگراموں میں شرکت کے بعد مسٹر مودی گوالیار واپس جائیں گے اور وہاں سے دہلی واپس لوٹیں گے۔
یو این آئی
