جموں، یکم اگست : جموں وکشمیر کے ضلع پونچھ میں فوج نے2 اینٹی پرسنل بارودی سرنگیں اور ایک 51 ملی میٹر موٹر شیل بر آمد کیں جن کو بعد میں ناکارہ بنا دیا گیا۔
سرکاری ذرائع نے بتایا کہ فوج کی49 آر آر کی ایک ٹیم نے پونچھ کے مینڈھر کے کیری ٹاپ بالاکوٹ علاقے میں دو اینٹی پرسنل بارودی سرنگیں بر آمد کیں۔
انہوں نے کہا کہ چندیال علاقے سے51 ملی میٹر موٹر شیل بر آمد کیا گیا۔
مذکورہ ذرائع نے بتایا کہ بعد میں بم ناکارہ بنانے والی ایک ٹیم کو جائے موقع پر طلب کیا گیا جنہوں نے ان کو بغیر کوئی نقصان پہنچائے ناکارہ بنا دیا۔
تاہم یہ فوری طور معلوم نہیں ہوسکا کہ آیا یہ سرنگیں اور موٹر شیل پرانے تھے یا نئے تھے۔
یو این آئی
