ڈی جی سی آئی ایس ایف نے لیفٹیننٹ گورنر سے ملاقات کی

سری نگر:ڈائریکٹر جنرل سینٹرل اِنڈسٹریل سیکورٹی فورس شیل وردھن سنگھ نے آج یہاں راج بھون میں لیفٹیننٹ گورنر منوج سِنہا سے ملاقات کی۔
لیفٹیننٹ گورنر اور ڈی جی سی آئی ایس ایف نے اہم تنصیبات ، سرکاری اِداروں اور صنعتی اِداروں میں حفاظتی اِنتظامات سے متعلق مختلف امور پر تبادلہ خیال کیا۔
لیفٹیننٹ گورنر نے لوگوں کی خدمت کرتے ہوئے اہم اِداروں کو محفوظ رکھنے میں سی آئی ایس ایف اہلکاروں کی قابل ستائش کوششوں کی تعریف کی۔
لیفٹیننٹ گورنر منوج سِنہا نے ڈی جی اور سی آئی ایس ایف کے اہلکاروں کو تربیت اور پیشہ ورانہ ہنر کے اعلیٰ معیار کو برقرار رکھنے اور قومی خدمت کے اَپنے فرائض کی اَنجام دہی کے لئے اَپنی نیک خواہشات کا اِظہار کیا۔