EN
ہفتہ, اگست ۱۶, ۲۰۲۵
22.6 C
Srinagar
EPAPER
ENGLISH
type here...
SRINAGAR, MAY 9 (UNI):- Clouds hovering over the Dal Lake in the afternoon as the sun emerged after a spell of rain in Srinagar on Monday. UNI PHOTO-70U
اہم خبرتازہ ترینکشمیر
Less than 1 min.Read

سری نگر میں زور دار بارشیں، سڑکیں اور گلی کوچے زیر آب

ایشین میل
By ایشین میل
سری نگر،23 جولائی: وادی کشمیر بالخصوص سری نگر میں ہفتے کی صبح زور دار بارشیں ہوئیں جس سے کئی علاقوں میں سڑکیں اور گلی کوچے زیر آب آگئے اور بعض علاقوں میں پانی دکانوں اور مکانوں میں بھی گھس گیا۔
ادھر محکمہ موسمیات کے مطابق وادی میں اگلے چوبیس گھنٹوں کے دوران بھی گرج چمک کے ساتھ ہلکے سے درمیانی درجے کی بارشوں کا امکان ہے۔متعلقہ محکمے کے ایک ترجمان نے بتایا کہ وادی میں اگلے دو دنوں کے درمیان بھی موسم خراب رہ سکتا ہے اور کہیں کہیں بارشوں کا امکان ہے۔
سری نگر میں ہفتے کی صبح زور دار بارشیں ہوئیں جس سے کئی علاقوں میں سڑکیں اور گلی کوچے زیر آب آگئے اور پانی دکانوں اور مکانوں میں بھی گھس گیا۔تیز بارشوں نے لوگوں کی نقل و حمل میں مشکلات پیدا کر دیں اور سڑکوں اور گلی کوچوں میں جمع پانی نے انہیں گھروں میں ہی محصور کر دیا۔لوگوں کا کہنا ہے کہ ناقص ڈرینیج نظام بارش کے پانی کا سڑکوں اور گلی کوچوں میں جمع ہونے کی بنیادی وجہ ہے۔
انہوں نے کہا کہ موسلا دھار بارشیں سے معلوم ہوتا ہے کہ ہمارا ڈرینیج سسٹم کس قدر صحیح ہے۔ان کا کہنا تھا کہ سڑکوں اور گلی کوچوں پر اس قدر پانی جمع ہے کہ بچوں، بزرگوں اور خواتین کا پیدل سفر کرنا مشکل ہی نہیں بلکہ پر خطر بھی ہے۔
دریں اثنا وادی میں شبانہ درجہ حرارت میں اضافہ درج ہو رہا ہے جس سے یہ معمول سے زیادہ ریکارڈ ہو رہا ہے۔
گرمائی دارلحکومت سری نگر میں کم سے کم درجہ حرارت22.2 ڈگری سینٹی گریڈ ریکارڈ کیا گیا جو معمول سے3.5 ڈگری سینٹی گریڈ ریکارڈ ہوا تھا۔
وادی کے مشہور زمانہ سیاحتی مقام گلمرگ میں کم سے کم درجہ حرارت13.2 ڈگری سینٹی گریڈ ریکارڈ کیا گیا جو معمول سے1.1 ڈگری سینٹی گریڈ زیادہ ریکارڈ ہوا تھا۔
وادی کے دوسرے مشہور سیاحتی مقام پہلگام میں کم سے کم درجہ حرارت16.3 ڈگری سینٹی گریڈ ریکارڈ کیا گیا جو معمول سے3.3 ڈگری سینٹی گریڈ زیادہ ریکارڈ ہوا تھا۔
سرحدی ضلع کپوارہ میں کم سے کم درجہ حرارت18.8 ڈگری سینٹی گریڈ ریکارڈ کیا گیا جو معمول سے1.8 ڈگری سینٹی گریڈ زیادہ ریکارڈ ہوا تھا۔
گیٹ وے آف کشمیر کے نام سے مشہور قصبہ قاضی گنڈ میں کم سے کم درجہ حرارت20.0 ڈگری سینٹی گریڈ ریکارڈ کیا گیا جو معمول سے3.0 ڈگری سینٹی گریڈ زیادہ ریکارڈ ہوا تھا۔
یو این آئی

Popular Categories

تازہ ترینکشمیرانڈیاجموںاہم خبر۔بین الاقوامیاداریہ
spot_imgspot_img
گزشتہ مضمون
سری نگر کے رعناواری میں آتشزدگی، تین منزلہ مکان خاکستر ہونے سے چار کنبے بے گھر
اگلا مضمون
سمبل سڑک حادثے میں موٹر سائیکل سوار از جان

روزنامہ ایشین میل جموں وکشمیر سے شائع ہونے والا دو لسانی اخبار ہے ۔ایشین میل کا روزنامہ اخبار گزشتہ دو دہائیوں سے سرینگر سے شائع ہورہا ہے ۔اس کے علاوہ اس ادارے کا ایشین میلکمیو نیکیشنز کے نام سے ڈیجیٹل پلیٹ فارم بھی ہے

روزنامہ ایشین میل ،راتھر کیمپلیکس راج باغ سرینگر

نیوز لیٹر

©Asian Mail - Designed by Gabfire.