سری نگر میں خود کشی کے دو واقعات، دوشیزہ از جان، لڑکے کی حالت تشویشناک

سری نگر میں خود کشی کے دو واقعات، دوشیزہ از جان، لڑکے کی حالت تشویشناک

سری نگر،15 جولائی: سری نگر کے مضافاتی علاقہ ہارون میں ایک کمسن لڑکے اور17سالہ دوشیزہ نے مبینہ طور اپنے گھروں میں اپنے آپ کو پھانسی دے دی جس کے نتیجے میں لڑکی کی موت واقع ہوگئی جبکہ لڑکا ہسپتال میں موت و حیات کی کشمکش میں ہے۔

اطلاعات کے مطابق سری نگر کے مضافاتی علاقے کوکر محلہ ہارون میں جمعے کے روز17سالہ نوجوان نے پھانسی پر لٹکا کر اپنی زندگی کا خاتمہ کرنا چاہا جس دوران اہل خانہ نے اُس کو علاج ومعالجہ کی خاطر صورہ میڈیکل انسٹی چیوٹ منتقل کیا جہاں پر اُس کی حالت تشویشناک بنی ہوئی ہے۔
ذرائع نے بتایا کہ 17سالہ نوجوان کی جانب سے خود کشی کرنے کی خبر ملتے ہی ہارون کے تھید علاقے میں 17سالہ دوشیزہ نے بھی اپنے آپ کو پھانسی دی ، اگر چہ اُس کو بھی ہسپتال لے جایا گیا تاہم وہ جانبر نہ ہو سکی۔
پولیس نے معاملے کی نسبت کیس درج کرکے مزید تحقیقات شروع کی ہے۔

یو این آئی

Leave a Reply

Your email address will not be published.