بعض لوگ جموں وکشمیر کے امن و ترقی سے خوش نہیں ہیں: منوج سنہا

بعض لوگ جموں وکشمیر کے امن و ترقی سے خوش نہیں ہیں: منوج سنہا
سری نگر،15 جولائی: جموں وکشمیر کے لیفٹیننٹ گورنر منوج سنہا کا کہنا ہے کہ بعض لوگ جموں و کشمیر کے پر امن ماحول اور تعمیر ترقی سے خوش نہیں ہیں۔

انہوں نے کہا کہ یہ لوگ سیکورٹی فورسز کو مشتعل کرکے سڑکوں پر مظاہروں کو ہوا دینے کی کوششیں جاری رکھے ہوئے ہیں۔
موصوف لیفٹیننٹ گورنر نے ان باتوں کا اظہار جمعے کے روز یہاں شہرہ آفاق جھیل ڈل پر واقع شیر کشمیر انٹرنیشنل کنوکیشن سینٹر میں ایک تقریب سے خطاب کے دوران کیا۔
انہوں نے کہا: ’بعض لوگ سیکورٹی فورسز کو مشتعل کرنے کی کوششیں کر رہے ہیں تاکہ وہ غلطی کریں اور لوگوں کو سڑکوں پر مظاہرے کرنے کے لئے بنیاد فراہم ہوسکے‘۔
ان کا کہنا تھا: ’تاہم ہمارے سیکورٹی فورسز الرٹ ہیں اور وہ قیام امن کے لئے سخت محنت کر رہے ہیں اور امن مخالف منصوبوں کو ناکام بنا رہے ہیں‘۔
مسٹر سنہا نے کہا کہ یہ لوگ جموں وکشمیر میں امن،خوشحالی، تعمیر و ترقی سے خوش نہیں ہیں۔
انہوں نے کہا کہ جموں وکشمیر تعمیر و ترقی کی راہ پر گامزن ہے اور آنے والے برسوں میں یہ تعمیر و ترقی اور سرمایہ کاری کے لحاظ سے ملک میں ایک ماڈل جگہ ہوگی۔
ان کا کہنا تھا کہ کشمیر جی ٹونٹی سمٹ کی میزبانی کرے گا جس سے جموں و کشمیر میں سرمایہ کاری کو مزید تقویت ملے گی۔

یو این آئی

Leave a Reply

Your email address will not be published.