انہوں نے کہا کہ سال گذشتہ اس مدت کے دوران52 ملی ٹینٹ مارے گئے تھے۔
ان کا کپوارہ، پلوامہ اور کولگام اضلاع کی تصادم آرائیوں کے بارے میں کہنا تھا کہ کپوارہ اور پلوامہ میں آپریشن ختم ہوچکا ہے جبکہ ضلع کولگام میں آپریشن ہنوز جاری ہے۔
موصورف نے ان باتوں کا اظہار یہاں نامہ نگاروں کے ساتھ بات کرنے کے دوران کیا۔
انہوں نے کہا: ’اس سال کے دوران اب تک 114ملی ٹینٹ مارے گئے جن میں 33 غیر ملکی ملی ٹینٹ شامل ہیں‘۔
ان کا کہنا تھا کہ سال گذشتہ کے پہلے پانچ ماہ انیس دنوں کے دوران 52 ملی ٹینٹ مارے گئے تھے۔
مسٹر کمار نے کہا کہ غیر ملکی ملی ٹینٹوں کی تعداد جس قدر کم ہوگی اتنی ہی مقامی ملی ٹینٹوں کی تعداد میں بھی کمی واقع ہوگی۔
کپوارہ، پلوامہ اور کولگام اضلاع کی تصادم آرائیوں کے بارے میں جانکاری فراہم کرتے ہوئے انہوں نے کہا کہ کپوارہ اور پلوامہ میں انکاؤنٹر ختم ہوچکے ہیں۔
ان کا کہنا تھا: ’کپوارہ پولیس نے شوکت احمد شیخ نامی ایک مقامی ملی ٹینٹ جس کا تعلق شوپیاں سے ہے، کو گرفتار کیا جس نے تفتیش کے دوران منکشف کیا کہ لولاب ویلی میں تین پاکستانی ملی ٹینٹ چھپے ہوئے ہیں‘۔
موصوف آئی جی نے کہا کہ آپریشن کے دوران تینوں پاکستانی ملی ٹینٹوں کو مارا گیا اور اس دوران شوکت احمد بھی مارا گیا۔
انہوں نے کہا کہ کولگام میں دو ملی ٹینٹ مارے گئے جبکہ وہاں آپریشن ابھی بھی جاری ہے۔
یو این آئی
