کشمیر میں موسمی صورتحال دگرگوں، مزید بارشیں متوقع

ادھر محکمہ موسمیات کے ایک ترجمان کے مطابق وادی میں اگلے چوبیس گھنٹوں کے دوران سہہ پہر کے بعد کہیں کہیں ہلکی بارشیں ہونے کا امکان ہے۔
انہوں نے کہا کہ وادی میں 14 جون کو موسم خشک رہ سکتا ہے تاہم اس کے بعد ایک بار پھر بارشیں ہونے کی توقع ہے۔
وادی میں چند روز سے ایک بار پھر موسم دن میں کئی رنگ بدل رہا ہے کبھی تیز دھوپ ہوتی ہے تو کبھی مطلع پر اچانک گھنے بادل چھا جاتے ہیں جس کے ساتھ ہی کہیں تیز ہوائیں چلتی ہیں کہیں گرج چمک کے ساتھ موسلا دھار بارش ہوتی ہے تو کہیں زور دار ژالہ باری ہوجاتی ہے۔
موسم کے اس مزاج سے وادی کے شبانہ درجہ حرارت میں قدرے کمی درج ہوئی ہے۔
گرمائی دارلحکومت سری نگر میں کم سے کم درجہ حرارت15.8 ڈگری سینٹی گریڈ ریکارڈ کیا گیا جو گذشتہ شب کے درجہ حرارت سے0.5 ڈگری سینٹی گریڈ کم ریکارڈ ہوا تھا۔
سری نگر میں گذشتہ چوبیس گھنٹوں کے دوران ہلکی بوندا باندی بھی ہوئی۔
وادی کے شہرہ آفاق سیاحتی مقام گلمرگ میں گذشتہ چوبیس گھنٹوں کے دوران5.0 ملی میٹر بارش ریکارڈ ہوئی جبکہ کم سے کم درجہ حرارت7.5 ڈگری سینٹی گریڈ ریکارڈ کیا گیا جو معمول کے درجہ حرارت سے1.3 ڈگری سینٹی گریڈ کم ریکارڈ ہوا تھا۔
وادی کے دوسرے مشہور سیاحتی مقام پہلگام میں 2.7 ملی میٹر بارش ریکارڈ کی گئی جبکہ کم سے کم درجہ حرارت8.8 ڈگری سینٹی گریڈ ریکارڈ کیا گیا جو گذشتہ شب کے درجہ حرارت سے1.8 ڈگری سینٹی گریڈ کم ریکارڈ ہوا تھا۔
سرحدی ضلع کپوارہ میں گذشتہ چوبیس گھنٹوں کے دوران0.3 ملی میٹر بارش ریکارڈ کی گئی جبکہ کم سے کم درجہ حرارت11.8 ڈگری سینٹی گرید ریکارڈ کیا گیا جو معمول کے درجہ حرارت سے0.8 ڈگری سینٹی گریڈ کم ریکارڈ ہوا تھا۔
گیٹ وے آف کشمیر کے نام سے مشہور قصبہ قاضی گنڈ میں کم سے کم سرجہ حرارت13.2 ڈگری سینٹی گریڈ ریکارڈ کیا گیا جع گذشتہ شب کے درجہ حرارت سے1.0 ڈگری سینٹی گریڈ کم ریکارڈ ہوا تھا۔