سری نگر،7 جون: سرحدی ضلع کپوارہ کے کنڈی علاقے میں سیکورٹی فورسز اور ملی ٹینٹوں کے درمیان تصادم آرائی میں لشکر طیبہ سے وابستہ ایک غیر ملکی سمیت دو ملی ٹینٹ مارے گئے جبکہ آپریشن ہنوز جاری ہے۔
کشمیر زون پولیس نے انسپکٹر جنرل وجے کمار کے حوالے سے ایک ٹویٹ میں کہا کہ کنڈی کپوارہ کے انکاؤنٹر میں لشکر طیبہ سے وابستہ دو ملی ٹینٹ مارے گئے جن میں ایک پاکستانیملی ٹینٹ شامل ہے۔
ٹویٹ میں مہلوک پاکستانی ملی ٹینٹ کی شناخت طفیل کے بطور کی گئی۔
انہوں نے کہا کہ علاقے میں آپریشن ہنوز جاری ہے۔
قبل ازیں ذرائع نے بتایا کہ ملی ٹینٹوں کے چھپنے کی اطلاع موصول ہونے پر پولیس اور فوج نے منگل کی علی الصبح کنڈی علاقے کو محاصرے میں لے کر تلاشی آپریشن شروع کر دیا۔
انہوں نے کہا کہ جوں ہی تلاشی آپریشن کی ٹیم ایک مشتبہ مقام کے نزدیک پہنچی تو وہاں چھپے ملی ٹینٹوں نے اس پر فائرنگ شروع کر دی جس کے نتیجے میں طرفین کے درمیان تصادم چھڑ گیا۔
یو این آئی
