چیف جسٹس نے نئے تعینات ہونے والے جج سے عہدے کا حلف دِلایا

سری نگر:نئے تعینات ہونے والے جج جسٹس وسیم صادق نرگل نے آج جموںوکشمیر اور لداخ ہائی کورٹ کے ایڈیشنل جج کے عہدے کا حلف لیا۔
جموںوکشمیر اور لداخ ہائی کورٹ کے چیف جسٹس ، جسٹس پنکج متھل نے ہائی کورٹ کمپلیکس سری نگر میں منعقدہ ایک تقریب میں جسٹس وسیم صادق نرگل کو عہدے کا حلف دِلایا۔
حلف برداری کی تقریب میں جسٹس علی محمد ماگرے، جسٹس دھیرج سنگھ ٹھاکر ، جسٹس وِنود چٹرجی کول ، جسٹس سنجے دھر ، جسٹس پونیت گپتا ، جسٹس محمد اکرم چودھری اور جسٹس موکشا کھجوریا کاظمی نے ذاتی طور پر شرکت کی ۔ جسٹس تاشی ربستان ، جسٹس سنجیو کمار ، جسٹس سندھو شرما، جسٹس رجنیش اوسوال ، موہن لال او رجسٹس راہل بھارتی نے جموں سے بذریعہ ورچیول حلف برداری کی تقریب میں شرکت کی۔
حلف برداری کی تقریب کی کارروائی جموںوکشمیر اور لداخ ہائی کورٹ کے رجسٹرار جنرل سنجیو گپتانے اَنجام دی جنہوں نے مرکزی وزارت قانون و اِنصاف ، محکمہ اِنصاف سے موصول ہونے والے نوٹیفکیشن کے اقتباسات کو پڑھا۔ ہندوستان کے صدر کی طرف سے جاری کردہ تقرری کا وارنٹ اور لیفٹیننٹ گورنرجموںوکشمیر یوٹی کی طرف سے جاری کردہ اختیاری خط، جموںوکشمیر او رلداخ ہائی کورٹ کے چیف جسٹس کو نئے جج مقررعہدے کا حلف دِلانے کا اِختیار دیتاہے ۔ حلف برداری کی تقریب کو یوٹیوب چینل پر بھی براہ ِ راست نشر کیا گیا۔
تقریب میں ہائی کورٹ کے سابق جج صاحبان ، ایڈووکیٹ جنرل ، سیکرٹری محکمہ قانون، انصاف اور پارلیمانی اَمور ، صوبائی کمشنر کشمیر ، اسسٹنٹ سالیٹر جنرل آف اِنڈیا ، سری نگر ، صدر بار ایسو سی ایشن جموں ، چیئرمین / کنوینر بار ایسو سی ایشن سری نگر، پرنسپل ڈسٹرکٹ جج اور چیف جوڈیشل مجسٹریٹ سری نگر ، رجسٹری کے اَفسران اور عملہ نے بھی شرکت کی۔
جسٹس وسیم صادق نرگل کی ہائی کورٹ جموںوکشمیر اور لداخ کے ایڈیشنل جج کے طور پر ترقی کے ساتھ ہی جموں و کشمیر اور لداخ کے ہائی کورٹ کے ججوں کی تعداد 17 کے مقابلے میں چیف جسٹس سمیت 16 ججوں تک پہنچ گئی ہے۔