سری نگر،12 مارچ : کشمیر زون پولیس کے انسپکٹر جنرل وجے کمار کا کہنا ہے کہ پنچ اور سرپنچ جنگجوؤں کے لئے آسان ٹارگیٹ ہیں۔
انہوں نے کہا کہ جن پنچوں اور سر پنچوں کو زیادہ خطرات لاحق ہیں ان کو سری نگر اور ضلع صدر مقامات پر محفوظ رہائش گاہیں فراہم کی گئی ہیں۔
موصوف آئی جی پی نے ان باتوں کا اظہار یہاں ٹائیگور ہال میں منعقدہ ایک تقریب کے حاشئیے پر نامہ نگاروں کے ساتھ بات کرنے کے دوران کیا۔
انہوں نے کہا: ’پنچ سر پنچ سافٹ ٹارگیٹ رہتے ہیں جن کو زیادہ خطرات لاحق ہیں ان کو سری نگر اور ضلع صدر مقامات پر محفوظ رہائش گاہیں فراہم کی گئی ہیں‘۔
کولگام میں سر پنچ کو مارنے کے واقعے کو افسوس ناک قرار دیتے ہوئے ان کا کہنا تھا: ’وہ (مہلوک سرپنچ) پولیس کو مطلع کئے بغیر گھر گیا ہوا تھا‘۔
مسٹر کمار نے کہا کہ تمام پروٹیکٹڈ پرسنز کو تحفظ فراہم کرنے کے لئےمزید اقدام کئے جا رہے ہیں۔
بتادیں کہ کولگام کے آڈورہ علاقے میں جمعے کی شب مشتبہ جنگجوؤں نے شبیر احمد میر نامی ایک سر پنچ کو گولیاں مار کر ہلاک کر دیا۔
یو این آئی
