سری نگر، 26 جنوری : جموں وکشمیر میں بدھ کے روز مزید 5606 افراد کی رپورٹ مثبت آئی جبکہ 8 مریض فوت ہوئے ہیں۔
سرکاری ذرائع نے بتایا کہ سری نگر ضلع میں سب سے زیادہ 1305افراد میں کورونا کی تشخیص ہوئی، بارہ مولہ میں 440، بڈگام میں 803، پلوامہ میں 134، کپواڑہ میں 380،اننت ناگ میں 528، بانڈی پورہ میں 66، گاندربل میں 297، کولگام میں 265افراد کی رپورٹ بدھ کے روز پازٹیو آئی ہے۔
جموں ضلع میں بدھ کے روز 678 افراد کی رپورٹ مثبت آئی ہے، اُدھم پور میں 129، راجوری میں 78، ڈوڈہ میں 84، کٹھوعہ میں 38، سانبہ میں 84، کشتواڑ میں 10، پونچھ میں 49، رام بن میں 181اور ریاسی میں 22افراد کی رپورٹ پازٹیو آئی ہے۔
انہوں نے بتایا کہ پچھلے چوبیس گھنٹوں کے دوران جموں وکشمیر میں کورونا سے 8 مریض فوت ہوئے ہیں۔
علاوہ ازیں بدھ کے روز جموں وکشمیر میں 5005 مریض صحت یا ہوئے جن میں صوبہ جموں سے 1592اور کشمیر ڈویژن سے 3413 افراد شامل ہیں۔
سرکاری ذرائع کا کہنا ہے کہ ابتک جموں وکشمیر میں 362168 افراد وائرس سے صحت یاب ہوئے ہیں۔
یو این آئی
