نئی دہلی/ بین الاقوامی سطح پر خام تیل کی قیمتوں میں اضافے کے باوجود آج مسلسل 67ویں دن بھی مقامی سطح پر پٹرول اور ڈیزل کی قیمتوں میں کوئی تبدیلی نہیں ہوئی۔
مرکزی حکومت نے 4 نومبر کو پٹرول اور ڈیزل میں بالترتیب 5 اور 10 روپے کی ایکسائز ڈیوٹی کم کرنے کے اعلان کے بعد قیمتوں میں نمایاں کمی آئی تھی۔ اس کے بعد ریاستی حکومتوں کی جانب سے ویٹ میں کمی کے فیصلے کے بعد دہلی میں 2 دسمبر کو پٹرول تقریباً آٹھ روپے سستا ہو گیا۔
ہفتہ کے پہلے روز سنگاپور میں لندن برینٹ کروڈ صفر اعشاریہ دو فیصد کے اضافے کے ساتھ اکیاسی اعشاریہ نو تین ڈالر فی بیرل اور امریکی کروڈ صفر اعشاریہ ایک چار فیصد کےاضافے کے ساتھ اناسی اعشاریہ صفر ایک ڈالر فی بیرل پر کاروبار کررہاہے۔
گھریلو بازار میں پٹرول اور ڈیزل کی قیمتوں میں 67ویں دن بھی کوئی تبدیلی نہیں ہوئی۔ راجدھانی دہلی میں ویٹ میں کمی کی وجہ سے بھارت پٹرولیم کارپوریشن لمیٹڈ (بی پی سی ) کے اسٹیشز پر پٹرول کی قیمت 95.41 روپے فی لیٹر اور ڈیزل کی قیمت 86.67 روپے فی لیٹر رہی۔
پٹرول اور ڈیزل کی قیمتوں کا روزانہ جائزہ لیا جاتا ہے اور اسی کی بنیاد پر نئی قیمتیں ہر روز صبح 6 بجے سے لاگو ہوتی ہیں۔ آج ملک کے چار بڑے میٹرو میں پٹرول اور ڈیزل کی قیمتیں درج ذیل ہیں:
میٹرو…………پٹرول…………….ڈیزل ………………. ..(روپے فی لیٹر)
دہلی ……………..95.41………. 86.67
کولکتہ ……..104.67………89.79
ممبئی …………….109.98..94.14
چنئی……………………………….. 101.40……91.43
یویان آئی
