رام بن اور راجوری میں قومی شاہراہ پر حادثہ،شہری جاں بحق، متعدد بی ایس ایف اہلکار زخمی

جموں/جموں و کشمیر کے ضلع رام بن میں جسوال پل کے نزدیک قومی شاہراہ پر بدھ کی دوپہر کو ایک کار حادثے میں ایک مسافر کی موت جبکہ دوسرا زخمی ہوگیا۔سرکاری ذرائع نے بتایا کہ رام بن میں جسوال پل کے نزدیک قومی شاہراہ پر بدھ کی دو پہر کو قریب پونے ایک بجے ایک کار کھسکتے ہوئے پھتر کی زد میں آگئی جس کے نتیجے میں گاڑی میں سوار ایک مسافر کی بر سر موقع ہی موت واقع ہوئی جبکہ دوسرا زخمی ہوگیا۔
مہلوک کی شناخت عادل بشیر ولد بشیر احمد ریشی ساکن بمنہ کے بطور کی گئی ہے جبکہ زخمی کی شناخت ابھی معلوم نہیں ہوسکی ہے۔انہوں نے کہا کہ زخمی کو علاج و معالجے کے لئے ہسپتال منتقل کیا گیا ہے۔
ان کا کہنا تھا کہ حادثے میں گاڑی کو زبردست نقصان پہنچا ہے۔قابل ذکر ہے ضلع مجسٹریٹ رام بن نے بدھ کی صبح ہی لوگوں سے اپیل کی تھی کہ وہ سری نگر – جموں قومی شاہراہ اور دیگر رابطہ سڑکوں پر چلنے پھرنے سے پرہیز کریں۔اس دوران جموں وکشمیر کے ضلع راجوری میں بدھ کی دوپہر کو قومی شاہراہ پر بی ایس ایف کانوائے کی ایک بس پلٹنے سے کئی اہلکار زخمی ہوگئے۔ذرائع نے بتایا کہ بی ایس ایف کی ایک کانوائے بدھ کے روز پونچھ سے جموں کی طرف رواں دواں تھی کہ ان میں سے ایک بس راستے میں جموں – پونچھ شاہراہ پر ڈرائیور کے قابو سے باہر ہوکر سڑک پر لڑھک گئی جس کے نتیجے میں اس میں سوار کئی اہلکار زخمی ہوگئے۔انہوں نے کہا کہ زخمیوں میں سے چار اہلکار شدید زخمی ہوگئے ہیں۔ان کا مزید کہنا تھا کہ زخمیوں کو گورنمنٹ ہسپتال نوشہرہ منتقل کیا گیا ہے۔انہوں نے کہا کہ زخمیوں کی شناخت معلوم کی جا رہی ہے۔قابل ذکر ہے ضلع مجسٹریٹ رام بن نے بدھ کی صبح ہی لوگوں سے اپیل کی تھی کہ وہ سری نگر – جموں قومی شاہراہ اور دیگر رابطہ سڑکوں پر چلنے پھرنے سے پرہیز کریں۔