کولگام/ جنوبی کشمیر کے ضلع کولگام کے اوکے علاقے میں منگل کی صبح سیکورٹی فورسز اور جنگجوؤں کے درمیان چھڑنے والے تصادم میں دو جنگجو ہلاک ہوئے، جبکہ آپریشن ہنوز جاری ہے۔
قبل ازیں ذرائع نے بتایا کہ جنگجوؤں کی گائوں میں موجودگی کی مصدقہ اطلاع موصول ہونے پر پولیس اور فوج نے منگل کی علی الصبح اوکے گاؤں کو محاصرے میں لے کر تلاشی آپریشن شروع کر دیا۔
انہوں نے کہا کہ جوں ہی تلاشی آپریشن کی ایک ٹیم مشتبہ مقام کے نزدیک پہنچی تو وہاں چھپے جنگجوؤں نے اس پر فائرنگ شروع کر دی جس کے نتیجے میں طرفین کے درمیان تصادم چھڑ گیا۔پولیس ترجمان نے بتایا کہ جھڑپ میں ٹی آر ایف/لشکر طیبہ سے وابستہ دو جنگجو جاں بحق ہوئے۔
یو این آئی
