سری نگر،4 جنوری: جنوبی کشمیر کے ضلع کولگام کے اوکے علاقے میں منگل کی صبح سیکورٹی فورسز اور جنگجوؤں کے درمیان تصادم چھڑ گیا۔
پولیس ذرائع نے بتایا کہ کولگام کے اوکے علاقے میں سیکورٹی فورسز اور جنگجوؤں کے درمیان انکاؤنٹر شروع ہوگیا ہے۔
قبل ازیں ذرائع نے بتایا کہ جنگجوؤں کے چھپنے کی مصدقہ اطلاع موصول ہونے پر فوج اور پولیس نے منگل کی علی الصبح اوکے گاؤں کو محاصرے میں لے کر تلاشی آپریشن شروع کر دیا۔
انہوں نے کہا کہ جوں ہی تلاشی آپریشن کی ایک ٹیم مشتبہ مقام کے نزدیک پہنچی تو وہاں چھپے جنگجوؤں نے اس پر فائرنگ شروع کر دی جس کے نتیجے میں طرفین کے درمیان تصادم چھڑ گیا۔
بتایا جاتا ہے کہ محاصرے میں کم سے کم دو جنگجو پھنس گئے ہیں۔
یو این آئی
