نئی دہلی/جموں و کشمیر میں تشدد کے مسلسل بڑھتے واقعات پر تشویش کا اظہار کرتے ہوئے اس مسئلے پر بحث کا مطالبہ کیا گیا ہے۔
لوک سبھا میں نیشنل کانفرنس (این سی) کے رہنما حسنین مسعودی نے خصوصی طور پر جموں و کشمیر میں تشدد کے بڑھتے واقعات پر تشویش کا اظہار کرتے ہوئے کہا کہ شدت پسندانہ حملوں کے واقعات میں اضافہ ہو رہا ہے اور ان میں جان و مال کا بڑا نقصان ہو رہا ہے۔
انہوں نے کہا کہ وہاں حالات سنگین ہوتے جا رہے ہیں اورتشدد کے واقعات میں مسلسل اضافہ ہو رہا ہےلہٰذا ایوان میں اس معاملے پر خصوصی بحث ہونی چاہیے۔ انہوں نے کہا کہ ریاست میں آئے روز کوئی نہ کوئی تشدد کا واقعہ رونما ہو رہا ہے اور بے گناہ لوگ مارے جا رہے ہیں۔
غور طلب ہے کہ جموں و کشمیر کی راجدھانی سری نگر کے مضافات میں کل شام بھی جنگجوؤں نے پولیس کی ایک بس پر حملہ کیا جس میں تین پولیس اہلکار ازجان اور 11 جوان زخمی ہوئے تھے۔
یو این آئی
