سری نگر/ جنوبی کشمیر کے قصبہ ترال میں جمعرات کی صبح ایک23 سالہ نوجوان کی لاش ایک کھیت سے بر آمد کی گئی۔
ذرائع نے بتایا کہ ترال کے بگونی علاقے میں جمعرات کی صبح مقامی لوگوں نے ایک کھیت میں ایک لاش دیکھی اور اس کے متعلق فوری طور پر پولیس کو مطلع کیا۔
انہوں نے بتایا کہ جائے موقع پر ایک سکوٹی بھی دیکھی گئی۔ان کا کہنا تھا کہ اطلاع موصول ہوتے ہی پولیس کی ایک ٹیم جائے موقع پر پہنچی اور لاش کو طبی و قانونی لوازمات کی ادائیگی کے لئے اپنی تحویل میں لے لیا۔
پولیس نے متوفی کی شناخت فرحان احمد کار ولد نثار احمد کار ساکن نئی بستی ترال کے بطور کی ہے۔دریں اثنا پولیس نے اس ضمن میں ایک کیس درج کرکے تحقیقات شروع کی ہیں۔
یو این آئی
