سری نگر/ جموں وکشمیر کے وسطی ضلع بڈگا م کے چرار ی پورہ پکھر پورہ علاقے میں موٹر سائیکل اور ٹاٹا موبائیل کے درمیان زور دار ٹکر کے باعث دو نوجوان زخمی ہوئے ہیں ۔
ایس ایچ او چرار شریف یاسر رشید نے یو این آئی اردو کو بتایا کہ ’چرار ی پورہ پکھر پورہ میں پیر کی صبح ٹاٹا موبائیل زیر نمبر JK03A-2205اور موٹر سائیکل زیر نمبر JK13E-4921کے درمیان ٹکر ہوئی جس کے نتیجے میں موٹر سائیکل سوار پر دو نوجوان زخمی ہوئے‘۔
انہوں نے زخمیوں کی شناخت شبیر احمد گنائی ولد بشیر احمد گنائی ساکن چیک کار پورہ اور سمیر احمد پنڈت ساکن کریم آباد پلوامہ کے بطور کی ہے۔ایس ایچ او نے بتایا کہ ابتدائی مرہم پٹی کے بعد دونوں کو مزید علاج ومعالجہ کی خاطر سری نگر منتقل کیا گیا۔
یو این آئی
