سری نگر/ شمالی کشمیر کےقصبہ اوڑی میں جمعے کے روز ایک نالے سے نیم بوسیدہ لاش بر آمد کی گئی۔پولیس ذرائع نے بتایا کہ قصبہ اوڑی کے حاجی پیر ندی کے نزدیک ایک نالے میں مقامی لوگوں نے جمعے کے روز ایک نیم بوسیدہ لاش دیکھی جس کے متعلق انہوں نے پولیس کو مطلع کیا۔
انہوں نے کہا کہ اطلاع موصول ہوتے ہی پولیس کی ایک ٹیم جائے موقع پر پہنچ گئی اور لاش کواپنی تحویل میں لے لیا۔
ان کا کہنا تھا کہ لاش نیم بوسیدہ ہے جس کی وجہ سے فوری طور اس کی شناخت نہیں ہوپائی ہے۔
یو این آئی
