دنیا میں 22.57 کروڑ افراد کورونا سے متاثر

دنیا میں 22.57 کروڑ افراد کورونا سے متاثر

واشنگٹن/ریو ڈی جنیرو/نئی دہلی ، 15 ستمبر (یو این آئی) دنیا بھر میں کورونا وائرس (کووڈ 19) وبائی مرض سے متاثرہ افراد کی تعداد بڑھ کر 22.57 کروڑ ہوگئی ہے اور اب تک 46.48 لاکھ سے زائد افراد ہلاک ہوچکے ہیں۔

امریکہ کی جان ہاپکنز یونیورسٹی کے سینٹر فار سائنس اینڈ انجینئرنگ (سی ایس ایس ای ) کے جاری کردہ تازہ ترین اعداد و شمار کے مطابق دنیا کے 192 ممالک اور خطوں میں متاثرہ افراد کی تعداد بڑھ کر 22 کروڑ 57 لاکھ 78 ہزار 167 جبکہ 46 لاکھ 48 ہزار 145 لوگ اس بیماری سے مرچکے ہیں۔

دنیا میں سپر پاور سمجھے جانے والے امریکہ میں کورونا وائرس کے انفیکشن کی رفتار ایک بار پھر تیز ہوگئی ہے۔ یہاں متاثرین کی تعداد 4.13 کروڑ سے تجاوز کرچکی ہے اور 6.63 لاکھ سے زیادہ لوگ مر چکے ہیں۔

کورونا انفیکشن کے معاملے میں ہندوستان دنیا میں دوسرے اور مرنے والوں کے لحاظ سے تیسرے نمبر پر ہے۔ گزشتہ 24 گھنٹوں میں کورونا کے 27178 نئے کیسز کی آمد کے ساتھ متاثرہ افراد کی تعداد 3 کروڑ 33 لاکھ 16 ہزار 757 ہو گئی ہے۔ اس دوران 38 ہزار 12 مریضوں کی صحت یابی کے بعد اس وبا کو شکست دینے والے افراد کی کل تعداد بڑھ کر 3،25،22،171 ہو گئی ہے۔

ایکٹو کیسز 11120 سے کم ہو کر تین لاکھ 51 ہزار 87 ہو گئے ہیں۔ اسی عرصے میں 284 مریضوں کی موت کے باعث اموات کی تعداد بڑھ کر چار لاکھ 43 ہزار 497 ہو گئی ہے۔ ملک میں فعال کیسز کی شرح بڑھ کر 1.05 فیصد ہوگئی ہے ، صحت یابی کی شرح 97.62 فیصد اور اموات کی شرح 1.33 فیصد ہے۔

برازیل متاثرین کے معاملے میں تیسرے نمبر پر ہے ، جہاں کورونا انفیکشن کے کیسز دوبارہ بڑھ رہے ہیں اور اب تک 21 کروڑ سے زائد لوگ اس سے متاثر ہو چکے ہیں جبکہ 5.87 لاکھ سے زائد مریض ہلاک ہو چکے ہیں۔ برازیل کورونا سے اموات کے معاملے میں دنیا میں دوسرے نمبر پر ہے۔ برطانیہ نے انفیکشن کے معاملے میں فرانس اور روس کو پیچھے چھوڑ دیا ہے۔

یہاں کورونا سے متاثرہ افراد کی تعداد 73.16 لاکھ سے تجاوز کر گئی ہے اور 134،774 مریض ہلاک ہو چکے ہیں۔ روس میں اب تک 70.72 لاکھ سے زائد افراد کورونا وائرس سے متاثر ہو چکے ہیں جبکہ 1.90 لاکھ سے زائد مریض ہلاک ہو چکے ہیں۔

فرانس میں کورونا سے متاثرہ افراد کی تعداد 70.07 لاکھ سے تجاوز کر گئی ہے اور اس کے انفیکشن کی وجہ سے 1.16 لاکھ سے زائد افراد ہلاک ہو چکے ہیں۔

یواین آئی

Leave a Reply

Your email address will not be published.