نیو یارک ، 18 جون (یو این آئی) اقوام متحدہ کی انجمن صحرامزاحمت اسمبلی (یو این سی سی ڈی) نے راجستھان میں قائم ماحولیاتی تنظیم ’فیمیلیئل فاریسٹری‘ کو رواں سال پروقار’لینڈ فار لائف ایوارڈ‘ سے نوازا۔
خیال رہے فیمیلیئل فاریسٹری کی قیادت آب و ہوا کے کارکنان کرتے ہیں اور اس کے بانی شیام سندر جانی ہیں۔ایک پریس ریلیز میں یو این سی سی ڈی نے کہا ’’آٹھ رکنی بین الاقوامی جیوری نے ہندوستان میں راجستھان کے فیملیئل فاریسٹری کو اس سال کے لینڈ فار لائف ایوارڈ سے نوازا ہے۔
اس کا کام زمین کی بحالی اور طریقۂ تحفظ ہے ، یہ معاشروں کی فلاح و بہبود کو فروغ دیتا ہے اور فطرت کے ساتھ ان کے تعلقات کو بہتر بناتا ہے۔ جیوری فیمیلیئل فاریسٹری کی کامیابیوں اورپیڑ کو کنبہ سے جوڑنے اور کنبہ کو گرین ممبر کے طور پر ماننے کی اس کے طریق کار سے متاثر ہوا ہے۔
اس ایوارڈ کا اعلان کوسٹا ریکا کے صدر کارلوس الوارڈو کوئساڈا نے 17 جون کو ’یوم صحرا اور خشک سالی‘ کے عالمی دن کے موقع پر منعقدہ ایک ورچوئل اعلی سطحی فورم میں کیا۔ کوسٹا ریکا نے اس سال معائنہ کے عالمی پروگرام کی میزبانی کی ہے۔
اقوام متحدہ نے ہندوستانی ماحولیاتی تنظیم کو ایوارڈ سے نوازا added by ایشین میل on
View all posts by ایشین میل →