سبھی پانی کے تحفظ کا عزم کریں: نائیڈو

نئی دہلی، 22 مارچ :  نائب صدر ایم وینکیا نائیڈو نے پانی کے عالمی دن(ورلڈ واٹر ڈے) کے موقع پر سبھی لوگوں سے پانی کے تحفظ کا عزم کرنے کی اپیل کی۔
مسٹر نائیڈو نے پیر کو یہاں ایک پیغام میں کہا کہ پانی کا بار بار اور صحیح استعمال کیا جانا چاہیے، جس سے آئندہ نسلوں کو اس اہم وسیلے سے محروم نہ ہونا پڑے۔
انہوں نے کہا ’’آج پانی کے عالمی دن کے موقع پر اپنی زندگی میں پانی کی ضرورت پر غور کریں اور زندگی کے لئے ضروری اس محدود قدرتی وسیلے کے صحیح استعمال کا عزم کریں۔ آئندہ نسلوں کے لئے پانی کا تحفظ کریں، اس کا ہر قطرہ بیش قیمت ہے‘‘۔
یو این آئی۔